Conozo un país onde al mundu–y llamen
Zarréu Grandiella Picu la Mouta Paniceiros
Un mundu que perdéu l’aldu los caminos
Xerusalén llevantao na palma la mano d’un nenu
Un mundu que yera altu luminosu esbeltu
Naciente y fonte y vocación de ríu
Onde los homes callen y el silenciu ye renuncia
Onde escaecimos el ser Onde claudicamos
Un país onde la casa cai cai l’horru la ponte
El molín la ilesia l’home tamién cai
Onde la mirada yera pura cenciella
la xaceda que dexara la nube en cielu
Onde namás nos queda la memoria
corrompida de la infancia
La nuesa soledá
L’abandonu de nueso
No hay comentarios:
Publicar un comentario